Trekk frå folkelivet i Bø i eldre tider

Årsskrift nr. 2 – Bø lokalhistoriske arkiv.
Redaksjonskomite: Stian Henneseid, Sigrid Bø, Gunhild Nordbø, Olav Rovde og Finn Rønning.

Knut H. Nordbø var korrespondent i avisa Varden frå 1883 til han var vel 70 år. Han skreiv og i andre aviser og blad.

Det som blei trykt i Varden har han teke vare på i utklippsbøker. Det er noko av dette unike kjeldestoffet arkivet har nytta i årboka i 1991.

Knut H. Nordbø var født 8. juni 1866 og døydde i 1944. Han hadde stor interesse for «det boklege». Han gjekk amtskulen på Gunvorskås og på Ullmann-skulen i Seljord.  I 1890-åra var han svært mykje med i politisk arbeid.

Alt i 1887 blei han med i D.N.T. og den store interessa for fråhaldsrørsla kom til å vare livet ut.

Nitten år gamal blei han blei gift med Kari Anundsdtr. Dyrud frå Nes. Dei fekk tre barn.

Som eldre mann sysla han med skrivearbeidet sitt og finpussa dei hundretals biografiar av gamle bøheringar, som har gjeve oss så levande skildringar av livet i det gamle Bøherad. Tretten av desse artiklane er samla i årsskrift nr. 2: Bøherads gamle storkokke og bakstekjerring; Åste Hansdtr. Glenna, bygdedoktoren Søren Trondsen, kunstmalar Torleif Stadskleiv, knivsmed Sveinung Gøystad, felemakarane i Helland m.fl.